【on.cc 東網專訊】藝人張振朗、龔嘉欣、何君誠及陳志健等出席處境劇《愛·回家》宣傳活動，與一班小朋友玩遊戲，眾藝員甚有耐性又出盡法寶，令一班小朋友非常開心，振朗表示與兩名姪仔同住，與小朋友玩早有經驗：「今日啲小朋友算乖，我兩個姪仔仲頑皮，有時好早就玩得好嘈，但其實係好開心嘅。（打算幾時做爸爸？）我巨蟹座，都係父愛氾濫，希望盡快事業有成快啲結婚生仔啦！」對於曾與龔嘉欣傳緋聞，但對方笑言冇發展機會，振朗亦笑說：「我都覺得冇，我哋係兄弟，我當佢係男人咁傾偈，冇愛情嘅感覺。」
提到有份提名《萬千星輝頒獎典禮》最佳男配角，振朗表示今次是首次獲提名，心情非常興奮，問到信心？他笑說：「其他提名嘅都係前輩，唔知會唔會盲拳打死老師傅，我想得獎呀！但都知機會好微。（睇好邊個得男配角？）王浩信啦！之前台慶同佢一齊跳舞，佢做事好認真！」對於未有份提名飛躍獎，振朗未有介懷，並笑言想盡快提名視帝，目標五年內。
Search